Kukësi bën një tjetër goditje në merkato, pasi ka njoftuar arritjen e marrëveshjes me sulmuesin malazez Alija Krnic. Ky i fundit ka firmosur për dy sezone me klubin verilindor dhe ka bërë sot edhe prezantimin zyrtar me fanellën e skuadrës.

Futbollisti malazez vjen te Kukësi nga kampion ati serb, pasi së fundi ishte pjesë e skuadrës Javor Matis, ndërsa më herët ka veshur edhe fanellat e ekipeve si Iskra, Decic tuz dhe Almudevar.

Krnic është vetëm 23-vjeçar dhe te Kukës duket se besojnë shumë mbi cilësitë e tij, ndaj edhe i kanë bërë kontratë dy vjeçare. Më herët verilindorët kanë firmosur edhe me sulmuesin anësor kroat Basa, mesfushorin Ardit Hila dhe sulmuesin Daci nga Kastrioti.