Dy goditje në një ditë për Teutën. Pas Blerim Kotobellit, durrsakët kanë zyrtarizuar edhe afrimin e sulmuesit Pepi Gorgiev i cili ka shkëlqyer në sezonin e fundit me Sileksin në Maqedoninë e Veriut me 13 gola dhe 9 asiste në vetëm 21 takime të luajtura në kampionatin e Maqedonisë së Veriut.

Ka qenë vetë klubi i Teutës që ka bërë publik afrimin e Gorgiev edhe pse nuk bëhet e ditura kohëzgjatja e kontratës që 26-vjeçari ka firmosur me kampionët e Shqipërisë.

Gorgiev i është bashkuar menjëherë skuadrës së Teutës në stërvitje dhe do të jetë gati për sfidën e parë ndaj Sheriff Tiraspol në Champions League.