E ardhmja e Kastriot Dermakut do të jetë përsëri te Parma, Mbrojtësi i përfaqësues shqiptare nuk ia doli me sukses në misionin që i kishte vënë vetes që të kthehej si protagonist kryesor në Serinë A me klubin e Leçes e kështu do të kthehet përsëri te emilianët që zotërojnë kartonin e tij.

Në verën e kaluar, Dermaku vendosi të largohej nga klubi i Serisë A, duke zbritur në B me Leçen, e cila kishte një projekt për t’u kthyer shpejt në elitë.

Por gjërat nuk shkuan siç shpresonte mbrojtësi, i cili kaloi edhe një dëmtim të gjatë dhe nuk ishte në formën maksimale për të ndihmuar ekipin në fazën play-off për ngjitjen në A.