Kohë rinovimesh në shtëpinë e Interit.

Klubi zikaltër ka zgjatur zyrtarisht kontratat me dy futbollistë të prapavijës të cilët u skadonte kontrata aktuale në 30 qershor.

Andrea Ranocchia dhe Danilo D’Ambrosio do të jenë pjesë e Interit edhe sezonin e ardhshëm pasi kanë rinovuar me 1 vit deri në verën e 2022-it.

Të dy futbollistët kanë pranuar uljet e pagave dhe në këtë mënyrë kanë vazhduar aventurën me zikaltrit, me kërkesë edhe të trajnerit Simone Inzaghi që ka dashur t’i mbajë në skuadër.