Tjetër në goditje në merkato për Dinamon që bën një afrim për të ardhmen duke marrë nga Pogradeci mesfushorin Marin Abazaj.

I riu spikati sezonin e shkuar te Pogradeci, me 5 gola të shënuar në 18 ndeshje, ndërkohë që një sezon ka qenë edhe me moshat e Tiranës.

Dinamo po mendon t’u besojë elementëve të rinj dhe Abazaj është njëri prej tyre.

“Marin Abazaj, afrimi i radhës. Një vëmendje të madhe në projektin e ri kanë futbollistët e rinj me perspektivë. Kështu, firma e radhës për Dinamon është ajo e 20-vjeçarit pogradecar, Marin Abazaj.

Mesfushori i krahut të majtë është nga sot zyrtarisht pjesë e bluve”, njoftojnë 18 herë kampionët e vendit.

DINAMO NË MERKATO

Afrime: Patrik Bardhi, Xhuliano Skuka, Aleksandar Sofranac, Dorian Kërçiku, Marin Abazaj
Largime: Emiljano Hidri, Artion Alillari, Moustapha Djidjiwa, Miklovan Pere, Dejvi Bilali, Nico Paterni
Nën kontratë: Maranhao, Kevin Berberi, Alesio Mija, Kevi Fetishaj, Edvan Bakaj
Trajner: Bledi Shkëmbi (I konfirmuar)