Etrit Berisha e ka bërë kalimin e tij në këtë merkato të verës për të shkuar nga SPAL te Torino në Serinë A. Ky është vendi që portieri i Kombëtares meriton, për të qenë pjesë e elitës së futbollit italian.

Ndërkohë në mediat pranë Torinos kanë pyetur trajnerin Gianni De Biasi, për të kuptuar se çfarë mund të sjellë gardiani shqiptar.

“Është një djalë i jashtëzakonshëm, i edukuar në gjithë sjelljen e tij. Etriti i mat gjithmonë veprimet. Portierët zakonisht nuk janë të tillë, por ai është i vëmendshëm. Torino ka marrë një profesionist të vërtetë me dëshirën e madhe për të mësuar.

Punon shumë. Fizikisht dhe atletikisht arrin të bëjë gjëra shumë domethënëse. Zuri vendin e Ujkanit, unë i besova dhe ma ktheu me një seri ndeshjesh fantastike”, tha Gianni De Biasi. /Sport Ekspres/