UEFA ka bërë publik emrat e futbollistëve më të mirë në fazën çerekfinale të Europianit. Shihet qartë një dominim i “Tre Luanëve” në formacion.

Në portë më i miri u shpall Jan Somer i Zvicrës i cili bëri dhjetë pritje në sfidën ndaj Spanjës. Në mbrojtje rreshtohen, Cufal (Çeki), Meguajer (Angli), Vermalen (Belgjikë) dhe Luk Shou (Angli).

Në mesfushë, në qendër, rreshtohet Delanej (Çeki) dhe Shaqiri (Zvicër) ndërsa nga krahët Zhadon Sanço (Angli) dhe Lorenco Insinje (Itali).

Sulmi ndahet mes Herri Kejn (Angli) i cili është më i titulluari me notën 9.3 dhe Dolberg (Danimarkë)./BalkanWeb/