Italia nesër do të luajë kundër Spanjës në gjysmëfinalen e programuar për në “Wembley”, në Londër (Angli).

Trajneri Roberto Mancini doli në konferencën e zakonshme për shtyp, ku foli me superlativa për Spanjën dhe trajnerin e saj Luis Enrique, teksa tha se sfida me “Furia Roja”-n do të jetë ndryshe nga ajo me Belgjikën.

“Do të jetë një sfidë shumë e vështirë dhe tërësisht ndryshe nga ajo me Belgjikën. Spanja është një skuadër shumë e organizuar dhe ndonëse me shumë lojtarë të rinj, ka një trajner të zotë, që bën të luajnë mirë ekipet e tij”, u shpreh Mancini.

Mancini në tiki-taka: “[Spanja] e shpiku atë, kjo i ka çuar drejt sukseseve të jashtëzakonshme dhe ata vazhdojnë ta bëjnë atë mirë. Zotërimi ynë është paksa i ndryshëm; ne jemi italianë dhe nuk mund të bëhemi befas spanjollë. Do të përpiqemi të bëjme lojë tonë “.