Goran Siljanovski rikthehet në Superiore te Dinamo. Mbrojtësi i krahut të djathtë është aktivizuar më parë për 18 muaj me Flamurtarin. Dy sezonet fundit ishte me Rabotnickin në Maqedoninë e Veriut.

“Goran Siljanovski, një tjetër firmë për Dinamon. Mbrojtësi i djathtë nga Maqedonia e Veriut është afrimi i radhës për blutë e kryeqytetit.

Eksperienca e tij dhe njohja me kampionatin shqiptar do ta ndihmojë futbollistin të ambientohet shpejt dhe të japë kontributin e pritur për skuadrën në arritjen e objektivave”, njofton Dinamo.

Siljanovski, veç Rabotnickit, është aktivizuar edhe me Vardar, Renova, Teteks dhe Makedonija GP.