Rudi Vata është shqiptari më i famshëm në Skoci!

Ish-kapiteni i Kombëtares bëri bujë me fanellën e Sëlltikut të Gllazgout, me të cilin është tifoz edhe Presidenti i Shqipërisë, Ilir Meta.

Por, një yll i ri shqiptar po bëhet gati të shkruajë historinë në klubin më të famshëm skocez.

Rocco Vata!

Djali 16-vjeçar i Rudi Vatës, i cili konsiderohet si një nga talentet e rinj më premtues në Skoci, nënshkroi një kontratë 3-vjeçare me klubin me themeluar 133 vjet më parë, në vitin 1888, dhe që është një nga pesë skuadrat e vetme në botë që ka fituar mbi 100 trofe.

Ruan Vata, i cili asistoi në nënshkrimin e talentit shkodran me pasaportë skoceze, është agjenti i të vëllait të tij, si dhe Drejtori Ekzekutiv i “Vata Vision Football Management“, që menaxhon një listë të zgjedhur lojtarësh të njohur.

Chris McCarth, drejtori akademisë së Sëlltikut e konsideron si tepër të talentuar sulmuesin Rocco Vata, i cili luan në të njëjtin pozicion si Cristiano Ronaldo.

REAGIMI I MEDIAVE