Italia sonte në finale do të bazohet te siguri të ndryshme.

Tri janë arsyet pse “axurrët” mund të befasojnë Anglinë.

Së pari, Italia rikthehet në “Wembley” me një ditë pushimi më shumë. Mançini ka përdorur 25 lojtarë, duke mos i lodhur vetëm 11.

Së dyti, Italia do të përpiqet ta rikthejë ndeshjen më pranë ritmeve të saj, pa ia lënë zotërimin e topit kundërshtarit, duke vrapuar edhe më shumë. Zhorzhinjo është “maratonomaku” i finales me 72,3 kilometra deri tani, kundër 67,3 të Filips në krahun tjetër.

Megjithatë, ai e anglezëve është një vrapim që “djeg” kundërshtarin, ndërsa Italisë i mungon Spinacola që në shpejtësi preku 33,8 kilometrat në orë. Sterling është i ndalur në 33,1.

Dhe së treti, Italia është më “kameleone” se Anglia. Me siguri të plotë përdor më shumë stolin. Mançini ka shfrytëzuar në maksimum edhe pesë zëvendësimet duke përdorur edhe të gjashtin kundër Spanjës.

Sauthgejt e ka bërë vetëm dy herë, në dy raste madje është ndalur në dy dhe kreu vetëm katër ndërrime në 120 minuta kundër Danimarkës. Edhe ky opsion mund të bindë Mançinin të zgjedhë një formacion të ngjashëm, në mos identik, me atë të së martës. Nëse do të ketë ndryshime më përpara do të kryhen vetëm nga lodhja e dikujt.