Shkëndija e Tetovës u turpërua me rezultatin 5-0 në transfertë ndaj sllovenëve të Mura, në sfidën e kthimit të vlefshme për raundin e parë të Champions League. Golat Bobicanec 25′, 45’+1, Klepac 55′ dhe Kous 64′

Pas disfatës 0-1 në shtëpi në ndeshjen e parë, kuqezinjtë e drejtuar nga Ernest Gjoka, u shkërmoqën në përballjen e dytë ndaj kampionëve të Sllovenisë, duke zhgënjyer totalisht.

Goli në minutën e 25-të dhe kartoni i kuq i Krivak në të 42-tën, fiku përfundimisht skuadrën shqiptare që militon në kampionatin e Maqedonisë së Veriut, teksa pjesa e dytë foli e gjitha për Murën.

Pas këtij eliminimi të hidhur, Shkëndija do të kalojë në raundin e dytë të Conference League ku do të përballet me Rigën.