Qendërmbrojtësi nga Maqedonia e Veriut, Aleksandar Damcevsksi, është zyrtarisht lojtar i Partizanit.

Njotimi

“FK Partizani zyrtarizon arritjen e marrëveshjes me Aleksandar Damcevskin. Qendërmbrojtësi 28 vjeçar nga Maqedonia e Veriut ka nënshkruar me të kuqtë një kontratë 1 vjeçare me opsion rinovimi edhe për një tjetër sezon”.

Mbrojtësi, 194 centimetra i gjatë, është një lojtar me CV të pasur dhe ka luajtur me moshat e Maqedonisë së Veriut dhe me përfaqësuesen e madhe në një ndeshje kundër Ukrainës, në kualifikueset e EURO 2016.

Në sezonin 2013-2014 mbrojtësi ka spikatur në Bullgari me Chernomoretz Burgas dhe më pas kaloi në Eredivise te NAC Breda. Në Holandë ka luajtur 11 ndeshje, për t’u transferuar në Kazakistan tek Atyray.

Damcevski është aktivizuar edhe në Hungari e Qipron, me skuadra si Mezokovesd dhe Ermis, kurse tre sezonet e fundit ka qenë pjesë e Ararat në Armeni. Në kampionatin e fundit ka pasur pak minuta, për shkak dëmtimi.