Zinedine Zidane në krye të “Gjelave”!

Sipas të përditshmes spanjolle “Marca” ai pritet të emërohet drejtues i Kombëtares së Francës. Trajneri i suksesshëm francez u largua nga Real Madridi në fund të sezonit të kaluar.

“Marca” bën me dije se “Zizou” do ta zëvendësojë Didier Deschamps në rrugëtimin drejt Botërorit të Katarit.

“Les Bleus” dështuan ta përsërisnin suksesin e Botërorit 2018 në Euro 2020 duke u eliminuar herët nga Zvicra. Ndërsa, Zidane do të mundohet ta drejtojë ekipin drejt suksesit në Botërorin 2022.

Pas dorëqehjes së trajnerit të Holandës, Frank De Boer, u përfol për një dorëqehje të mundshme e Didier Deschamps, por që më pas u hodh poshtë me pretendimin se ai do të qëndrojë në drejtim të kombëtares edhe për Botërorin 2022.