Laçi është kualifikuar në turin e dytë të Conference League, pasi mposhti në “Elbasan Arena”, kundërshtarët e Podgoricës me rezultatin 3-0.

Kurbinasit vinin pas humbjes 1-0 në Mal të Zi, por që në minutat e para të ndeshjes u pa që Laçi synoi kualifikim.

Lojtarët e Duros shpërdoruan disa raste të mira në pjesën e parë, teksa malazezët iu falën portierit 18-vjeçar Iveziç.

Në minutën e 60-të Deliu gjeti golin e avantazhit për kurbinasit duke rritur akoma më shumë shpresat.

Koha e rregullt u mbyll në avantazh të një goli për Laçin (1-0) dhe të dyja skuadrat iu drejtuan shtesave ku kurbinasit dominuan sërish duke shënuar dhe dy herë të tjera me Lushkjen dhe Prengën i cili sapo ishte aktivizuar në fushë.

Skuadra e Shpëtim Duros kualifikohet kështu në raundin e dytë të Ligës së Konferencës teksa në fazën tjetër do të përballet me skuadrën rumune të Kraiovës.