Një tragjedi e vërtetë ka ndodhur këtë të dielë në garat e motoçiklizmit, pasi ka humbur jetën në pistë një talent 14-vjeçar.

Hugo Millan u nda nga jeta në mënyrë tragjike në pistën e Aragon në Spanjë pas një aksidenti të rëndë.

I riu po garonte me motorin e tij në turneun e quajtur “European Talent Cup”, kur në kthesën 13 humbi kontrollin e motorit dhe ra në asfalt. Më pas ai u çua dhe tentoi të dalë nga pista.

Në atë moment një nga pilotët e tjerë i erdhi nga pas me shpejtësi dhe i dha goditjen fatale. Pas aksidentit ai u dërgua në spital, por nuk ishte e mundur të shpëtonte për shkak të dëmtimeve të pësuara.