Ditë më parë La Liga kishte arritur marrëveshje me fondin ndërkombëtar “Capital Partners SICAV-FIS” për shitjen e 10% të drejtave televizive për 2.7 miliardë euro.

Me anë të kësaj marrëveshje, klubet duhej të binin dakord që të jepnin të drejtat televizive për 50 vitet e ardhshme, gjë që presidenti i Barcelonës, Joan Laporta dhe ai i Real Madridit, Fiorentino Perez refuzuan ta bëjnë.

Pikërisht Real Madridi ka vendosur ta çojë çështjen në gjykatë, ku do ta padisë La Ligan dhe presidentin e saj, Havier Tebas.

Gjatë mbledhjes së Bordit të Drejtorëve, Real Madridi përmes një komunikate zyrtare ka kumtuar lajmin që do ta padisë La Ligan. “Los Blancos” do ta padisin La Ligan dhe fondin “CVC”, ku me 12 gusht do të votohet marrëveshja e re.