Leo Messi shfaqet me ngjyrat e PSG-së. Tek Spitali Amerikan, në Paris, ai iu nënshtrua ekzaminimeve mjekësore për llogari PSG-së. Pas më shumë se dy orë ekzaminime mjekësore, ai u largua nga klinika i veshur me një kostum dhe me një maskë me ngjyrat e ekipit francez.

Argjentinasi pak më vonë mbërriti në stadium “Parc des Princes, ku ka pozuar me fanellën me numrin 30, që do të veshë në udhëtimin e tij të ri në Ligue 1.

Ish-lojtari i Barcelonës ka zbarkuar në Paris mesditën e kësaj të marte, ku u prit si perandor, ndërsa këtë të mërkurë, në orën 11:00, klubi i kryeqytetit francez ka ka programuar një konferencë për shtyp, ku pritet të bëhet prezantimi i “Pleshtit”.