Barça funksionon edhe pa Messin, Braithwaite bën liderin ndaj Sociedad

Katalanët duket se kanë lënë pas krahëve largimin e yllit argjentinas, pasi kanë nisur kampionatin me një fitore të bindëse 4-2 ndaj Real Sociedad.


Shumë kuriozitet për Barcelonën pa Messin, megjithatë katalanët duket se kanë lënë pas krahëve largimin e yllit argjentinas, pasi kanë nisur kampionatin me një fitore të bindëse 4-2 ndaj Real Sociedad.

Pikërisht ndaj baskëve luhej ndeshja e fundit me tifozë në “Camp Nou” marsin e vitit të kaluar, ndërsa fansat u rikthyen sërish në shkallët e stadiumit, por këtë herë nuk patën mundësi të shijojnë magjitë e Messit.

Në mungesë të argjentinasit, trajneri Koeman kishte përdorur një rreshtim 4-3-3, teksa nga minuta e parë kishte vend për blerjet e reja, Eric Garcia e Memphis Depay, i cili u aktivizua në majë të sulmit.

Pikërisht holandezi “gatoi” golin e parë, pasi shërbeu saktë për Pique dhe qendërmbrojtësi dërgoi topin në rrjetë. Më pas ishte danezi Martin Braithwaite ai që shënoi dy herë, nga një gol për çdo pjesë, duke dërguar shifrat në 3-0.

Megjithatë kur dukej se katalanët po shkonin drejt një fitoreje të sigurt, Sociedad shënoi dy gola në harkun e tre minutave, me Lobete e Oyarzabal, duke rihapur takimin dhe bërë më interesante minutat e fundit.

Llogaritë i mbylli Sergi Roberto në minutën e 91-të, që shënoi pas një asisti të Braithwaite dhe vulosi tre pikëshin në start për Barcelonën, që tregoi se mund të bëjë edhe pa Messin.

Vlen të theksohet se i grumbulluar për këtë takim ishte edhe sulmuesi i Kombëtares Shqiptare Rey Manaj, i cili mori fanellën me numër 14 të Coutinhos, por nuk u preferua në fushē nga trajneri Koeman.

Kampionati Europian U-17 “Shqipëri 2025”, përcaktohen tetë ekipet finaliste

Shqipëri, Gjermani, Francë, Portugali, Çeki, Belgjikë, Angli dhe Itali janë tetë ekipet finaliste të Kampionatit Europian U-17 “Shqipëri 2025”.

KAMPIONATET

Egnatia merr kreun, provë force ndaj Vllaznisë

Egnatia ka rimarrë kreun e renditjes të Kategorisë Superiore me një provë të mirëfillte force në Shkodër, duke mundur 2-0…

KOMBËTARET

Botërori 2026, Silvinjo: Sfida ndaj Anglisë e vështirë, por në futboll mund të ndodhë gjithçka

Kombëtarja shqiptare luan nesër ndeshjen e parë kualifikuese për Kupën e Botës ndaj Anglisë, në stadiumin “Wembley”, në orën 20:45.

TIFOZËT SHQIPTARË

Super tifozi i “Kuq”, Erion Braçe: Bravo Laçi! Skuuuadëëër!

Zëvendëskryeministri i Shqipërisë, Erion Braçe, uroi Laçin pas kualifikimit historik për në turin e tretë të Conference League.

MERKATO

Dajan Shehi, te Botosoni në Rumani

26-vjeçari do të firmosë një kontratë 2-vjeçare me klubin rumun

TIFOZËT E HUAJ

Presidenti i Federatës Zvicerane, Blanc vlerëson zhvillimin e futbollit shqiptar

Presidenti i Federatës Zvicerane të Futbollit, Dominique Blanc zhvilloi një vizitë dyditore në Shqipëri. Gjatë kësaj vizite ai u prit…