Romelu Lukaku tregoi që në debutim me Chelsea-n se ia ka vlejtur shpenzimi 115 milionë euro për kartonin e tij. Sulmuesit belg, i aktivizuar titullar në derbin e Londrës (Chelsea fitoi 2-0 me Arsenalin) nga trajneri Thomas Thuchel iu deshën vetëm 15 minuta lojë për të ndëshkuar Arsenalin me një gol në dukje të thjeshtë, por nëse analizon vijimin e aksionit ishte pikërisht 28-vjeçari që tërhoqi skuadrën në sulm, duke shfrytëzuar më qetësi pasimin e Reece James.

Pikërisht asistuesi për golin e parë, James, dyfishoi rezultatin në të 35-tën, i shërbyer nga Mount, duke i dhënë një goditje të fortë skuadrës së Artetës, që me gjithë presionin e ushtruar edhe në pjesën e dytë nuk ia doli të ngsuhtonte rezultatin për të rihapur ndeshjen.

Ndiq "Tifozet.al" në Facebook

Në fakt, Chelsea ishte me fat në minutën e 60-të, kur Holding, i pambuluar në zonë, goditi jashtë. Në minutën e 78-të Lukaku iu afrua ndjeshëm golit të dytë personal, por portieri Leno ia mohoi kënaqësinë e finalizimit.

Në të 87-të ishte Kai Havertz që pati një tjetër mundësi për blutë e Londrës, por sërish reagoi në lartësinë e detyrës Leno, duke shmangur një humbje me të thellë.