Pas i besoi pankinën trajnerit malazez Dejan Vukiçeviç, Laçi vijon të lëvizë në merkato, për të kompletuar skuadrën në prag të nisjes së sezonit të ri të Kategorisë Superiore.

Klubi kurbinas ka prezantuar mbrojtësin nga Maqedonia e Veriut, i cili ka firmosur kontratë dyvjeçare me bardhezinjtë dhe më pas ka pozuar edhe me fanellën e skuadrës.

Bëhet fjalë për 25-vjeçarin Viktor Velkoski, i cili sezonin e fundit ka qenë pjesë e Vardarit në kampionatin e Maqedonisë së Veriut.

“Viktor Velkoski është përforcimi i radhës në skuadrën tonë. Futbollisti 25-vjeçar luan si mbrojtës qendre dhe do të jetë pjesë e klubit tonë për dy sezonet e ardhshme. KF Laçi i uron mirëseardhjen! Miresevjen”, shkroi klubi kurbinas në rrjetet sociale.