FSHF, gati reklamimi në UEFA i vendimeve të arbitrit italian Maurizo Mariani në Poloni-Shqipëri

Federata Shqiptare e Futbollit po shqyrton mundësinë e reklamimit në UEFA të disa vendimeve të trupës arbitrale gjatë sfidës Poloni-Shqipëri, të cilat penalizuan kuqezinjtë


Të irrituar me drejtimin e ndeshjes nga arbitri italian, Maurizo Mariani, dhe ndihmësit e tij.

Federata Shqiptare e Futbollit po shqyrton mundësinë e reklamimit në UEFA të disa vendimeve të trupës arbitrale gjatë sfidës Poloni-Shqipëri, të cilat penalizuan kuqezinjtë. Në institucionin qeverisës të futbollit shqiptar janë disa vendime që kanë lënë shije të hidhur dhe i janë futur punës për të mos lejuar që gabimet arbitrale ndaj kuqezive të kalojnë në indiferencë.

Duke nisur nga analizimi i provave filmike, që do të shërbejnë për të faktuar ankimimin në UEFA. Në veçanti, janë dy episode që konsiderohen flagrante dhe mund të shërbejnë për këtë qëllim. Duke nisur nga penalltia e paakorduar në dëm të Rey Manajt. Në këtë rast, pretendimi i Federatës është legjitim, jo vetëm për vendimin, por mbi të gjitha për faktin se si për një episod të rëndësisë së tillë, me ndërhyrjen e Kamil Glik, që ishte flagrante, nuk u përdor as sistemi VAR, i disponueshëm tanimë në ndeshjet kualifikuese të kombëtareve pikërisht për të patur më shumë qartësi në lidhje me vendime të tilla. Episodi, në fakt, ka shkaktuar polemika anembanë botës, dhe madje dhe një arbitër i njohur polak, Lukasz Rogovski, ka komentuar episodin, duke kritikuar në Twitter punën e arbitrit italian, teksa shprehet: A ka VAR në këtë ndeshje? Glik nuk arrin topin, është një penallti e dukshme”.

Federata po shqyrton edhe një tjetër episod, që mund të jetë objekt i reklamimit dhe ka të bëjë pikërisht me golin e tretë të polakëve, një aksion gjatë të cilit është Robert Lewandowski teksa merr krahun para se të japë asistin e golit të Krychowiak, bën faul në sulm ndaj Marash Kumbullës, një tjetër episod vendimtar që peshon në rezultatin final të ndeshjes dhe që nuk u mor aspak parasysh nga kryesori italian, Mariani.

Në Federatën Shqiptare të Futbollit kanë vendosur që gabimet e tij të mos kalohen pa u vënë në lupën e komisioneve kompetente të UEFA-s, natyrisht si një masë mbrojtëse për Kombëtaren, edhe për faktin që gabime të tilla të mos përsëriten në të ardhmen.

Lexo më shumë

Kampionati Europian U-17 “Shqipëri 2025”, përcaktohen tetë ekipet finaliste

Shqipëri, Gjermani, Francë, Portugali, Çeki, Belgjikë, Angli dhe Itali janë tetë ekipet finaliste të Kampionatit Europian U-17 “Shqipëri 2025”.

KAMPIONATET

Egnatia merr kreun, provë force ndaj Vllaznisë

Egnatia ka rimarrë kreun e renditjes të Kategorisë Superiore me një provë të mirëfillte force në Shkodër, duke mundur 2-0…

KOMBËTARET

Botërori 2026, Silvinjo: Sfida ndaj Anglisë e vështirë, por në futboll mund të ndodhë gjithçka

Kombëtarja shqiptare luan nesër ndeshjen e parë kualifikuese për Kupën e Botës ndaj Anglisë, në stadiumin “Wembley”, në orën 20:45.

TIFOZËT SHQIPTARË

Super tifozi i “Kuq”, Erion Braçe: Bravo Laçi! Skuuuadëëër!

Zëvendëskryeministri i Shqipërisë, Erion Braçe, uroi Laçin pas kualifikimit historik për në turin e tretë të Conference League.

MERKATO

Dajan Shehi, te Botosoni në Rumani

26-vjeçari do të firmosë një kontratë 2-vjeçare me klubin rumun

TIFOZËT E HUAJ

Presidenti i Federatës Zvicerane, Blanc vlerëson zhvillimin e futbollit shqiptar

Presidenti i Federatës Zvicerane të Futbollit, Dominique Blanc zhvilloi një vizitë dyditore në Shqipëri. Gjatë kësaj vizite ai u prit…