Fantazisti i Juventusit, Luis Hasa, po kthehet në një emër shumë të njohur në radhët e përfaqësueseve italiane. Pasi ka shkëlqyer me ekipin U18, ai tashmë është bërë pjesë e U19 të Italisë dhe sot i ka dhënë fitoren me dy golat e tij në miqësore ndaj bashkëmoshatarëve të Hungarisë.

Një penallti në minutën e 43-të dhe pastaj një gol i dytë në minutën e 68, bënë që Italia të shkonte e qetë drejt fitores që e vulosi më pas Vinjato me golin e 3-0. Luis Hasa ka qenë pjesë e grumbullimeve të kombëtareve të moshave të Shqipërisë para se t’u bashkohej përfaqësueseve italiane.