Lorenc Trashi mund të rikthehet te Partizani. Ish-mbrojtësi i majtë së fundmi ka ndërprerë kontratën në Kuvajt me Al Qadsian dhe është lojtar i lirë.

Gazeta “Panorama Sport” mëson se 30-vjeçari nuk ka ndërmend të flasë me asnjë skuadër tjetër, pa zhvilluar fillimisht një takim me presidentin e të kuqve, Gazment Demi.

Në ditët në vijim palët do të ulen përballë njëra-tjetrës, me Partizanin, që nuk e sheh aspak si një emergjencë rikthimin e Trashit, pasi në skuadër ka Buxhelajn dhe Atanaskoskin, dy anësorë të majtë mjaft cilësorë dhe ardhja e gramshiotit do të krijonte mbipopullim.

Gjithsesi, për kampionët çdo klub do të gjente një vend dhe kështu mund të ndodhë në këtë rast. Ofertat e tjera për Trashin nuk mungojnë.