Karlo Ançeloti i ka dhënë një “shuplakë” Xhenaro Gatuzos duke e eliminuar nga gjysmëfinalja e Superkupës së Spanjës. Madrilenët iu falën 11-metërshave në Rihad (4-3), teksa koha e rregullt përfundoi në barazim 1-1.

I pari që gjeti rrugën e rrjetës ishte Benzema në minutën e 39-të, ndërkohë që Valencia e Gatuzos barazoi shifrat në minutën e 46-të me Linon. Minutat në vijim nuk prodhuan gola, teksa ndeshja iu drejtua 11 metërshave, ku madrilenët u treguan më të saktë.

Benzema, Modriç, Kros dhe Asensio, arritën të shënonin, ndërkohë që për Valencian gabuan Komert dhe Gaja.

Në finale e Superkupës, që do të zhvillohet më datën 15 janar, Reali do të përballet me fituesin e çiftit Betis-Barcelona, që luhet nesër.