Milani u mposht në kohën shtesë me rezultatin 0-1, nga Torino duke i dhënë lamtumirën Kupës së Italisë në fazën e 1/8-tave.

Kuqezinjtë e pësuan në kohën shtesë nga një Torino që prej minutës së 70-të mbeti me 10 lojtarë pasi Djidji koleksionoi kartonin e dytë të verdhë.

Megjithatë, skuadra “Granata” gjeti forcën dhe qëndroi në lojë teksa në shtesë realizuan me anë të Adopo në minutën e 114-të. Të besuarit e trajnerit Stefano Pioli eliminohen nga kompeticioni ndërsa nga ana tjetër, Torino pret në çerekfinale fituesin e çiftit Sampdoria-Fiorentina.