Lacio mori fitoren e parë të vitit 2023 duke mposhtur në transfertë Sasuolon me rezultatin 0-2.

Ai që e zhbllokoi këtë sfidë ishte Zakanji me anë të një penalltie (45+3’), të cilën e realizoi në fundin e pjesës së parë.

Më pas kryeqytetasit arritën ta menaxhonin mjaft mirë rezultatin dhe në fundin e takimit ishte Felipe Anderson (90+4’), i cili i dha goditjen e “KO” vendasve në “Mappei Stadium”.

Në fushë për 90 minuta ishte dhe mbrojtësi i Kombëtares shqiptare, Elseid Hysaj, i cili dha një performancë mjaft të mirë, pavarësisht një kartoni të verdhë në minutën e 65’.