Eneo Bitri do të jetë largimi i madh i Partizanit në merkaton e janarit. Mbrojtësi beratas po negocion detajet e fundit të kontratës me klubin e Superligës çeke, FC Banik Ostrava.

Edhe pse i mbeten edhe 6 muaj kontratë me Partizanin, drejtuesit e kuq kanë vendosur ta shesin, pasi lojtari përfiton nga një klauzolë e parashikuar në marrëveshjen e bërë më parë mes tyre.

Klubi i kuq do të përfitojë 150 mijë euro nga ky transferim, duke humbur kështu liderin e mbrojtjes. Tashmë me largimin e Bitrit, pritet që drejtuesit të afrojnë një qendërmbrojtës me peshë.