Reali i Madridit është kthyer te fitorja në La Liga. Skuadra e Ançelotit triumfoi mbrëmjen e sotme ndaj Atletiko Bilbaos me rezultatin 0-2, duke lënë pas humbjen ndaj Vijarealit.

Ishte bomberi Karim Benzema që hapi serinë e golave në minutën e 24-t, ndërkohë që golin e dytë e realizoi gjermani Toni Kros në minutën e 90-të.

Pas këtij triumfi Reali u ngjit në kuotën e 41 pikëve në 17 ndeshje, 3 më pak se kryesuesit e Barcelonës, që fituan ditën e sotme ndaj Getafes me rezultatin minimal 1-0.

Në duelin e radhës, madrilenët i pret një përballje delikate teksa do të ndeshen me Real Sosiedadin e vendit të tretë, që vjen pas 5 fitoresh radhazi.