Pep Guardiola kërkonte reagim nga Mançester Siti dhe ai ka ardhur në ndeshjen e sotme që skuadre fitoi me shifrat 3-0 përballë Ullvërhempton. “Qytetarët” u janë kthyer fitoreve bindëse dhe e kanë bërë këtë falë Haland, i cili vazhdon të shënojë rekord pas rekordi në futbollin anglez.

Suksesi mban pikërisht firmën e sulmuesit norvegjez, i cili i dha avantazhin ekipit të tij me një gjuajtje me kokë pas asistit perfekt të Kevin De Bryjn në minutën e 40.

Më pas, ishte përsëri ai i cili dyfishi shifrat me një penallti në minutën e 50-të.

Dhe vetëm 4 minuta më vonë, erdhi edhe goli i tretë, këtë herë falë asistit të Mahrez, i cili përfitoi nga një dhuratë e portierit kundërshtar për të nxjerrë norvegjezin të vetëm para portës për atë që ishte goli që vulosi ndeshjen dhe i 25-ti në 19 ndeshje të luajtura për sulmuesin.

Tashmë Siti e sheh veten përsëri shumë pranë Arsenalit, ndonëse ky i fundit ka luajtur dy ndeshje më pak dhe mund të rritë përsëri diferencën me ndjekësit në luftën për titull.