Lionel Mesi dhe Kristiano Ronaldo janë cilësuar si dy futbollistët më të mirë në botë, po ashtu edhe si “rivalët” e përjetshëm.

Gjithmonë kanë ekzistuar polemika se kush është më i mirë prej tyre. por sulmuesi i Liverpulit, Muhamed Salah e ka dhënë mendimin e tij. Sipas egjiptianit, Mesi është më i miri dhe nuk ka nevojë që të diskutohet më mbi këtë temë.

“Mesi është më i mirë. Nuk ka absolutisht nevojë të debatohet për këtë temë”, deklaroi Salah.

“Pleshti” mori Kupën e Botës me Argjentinën një muaj më parë, ndërsa CR7 fitoi titullin më të madh të kombëtares në vitin 2016 kur u shpall kampion i Europës.