Trajneri i Tiranës, Orges Shehi në një intervistë për Panorama Sport tregoi ecurinë e bardhebluve gjatë dy viteve nën drejtimin e tij. 

Shehi: “Për momentin jemi mirë sigurisht që futbolli ka situata të mira dhe të këqija. Unë mendoj që për një trajner është një kohë relativisht e mirë që të qëndrojë tek një skuadër dy vjet ose më shumë.  Mendoj që nesër klubet tona, edhe pse janë të paduruara, duhet ta ndjekin. Lojtarët kanë ndryshuar, janë disa lojtarë që i kam gjetur këtu dhe janë akoma, dhe disa që largohen për më mirë. Na pret një rrugë e gjatë mendoj që duhet të vazhdojmë të jemi në ekulibër”.

Gjithashtu Shehi foli edhe për Abazajn, afrimin më të fundit tek Tirana duke theksuar se është një vlerë e shtuar për bardheblutë.

Shehi: “Kristalin e njoh, është shumë cilësor dhe kualitativ, ja di shumë mirë cilësitë, besoj se do na ndihmojë shumë. Do t’i duhet pak kohë të përshtatet me çunat dhe ambjentimin e lojës. Besoj është një vlerë e shtuar”.

Trajneri i kryeqytetasve u shpreh se Tirana ka nevojë shumë për lojtarë pas largimit të disa elementëve cilësorë si Xhixha e Seferi.