Reali i Madridit ngec në shtëpi. Skuadra e drejtuar nga Karlo Ançeloti nuk shkoi dot përtej barazimit pa gola ndaj Real Sociadad, në “Santiago Bernabeu”, duke mbetur tashmë pesë pikë larg Barcelonës kryesuese.

Reali u shfaq dukshëm më kërkues, por nuk ia doli të thyejë murin bask dhe të shënojë të paktën një gol, duke u detyruar të kënaqet me vetëm një pikë në këtë takim.

Kjo është ndeshja e dytë në tri të fundit, që Reali nuk merr dot maksimumin, çka i ka dhënë mundësi Barcelonës që të shkëputet me 5 pikë më shumë në vendin e parë.