Mijëra të rinj e të reja po ndjekin finalen e Euro 2020 në sheshet e kryeqytetit shqiptar. Të ndarë mes dy finalisteve Anglisë e Italisë, me flamujt e dy vendeve, fanellat e kombëtareve, por edhe të vizatuar në fytyrë tifozët shqiptarë i janë bashkuar festës së finales së Europianit për të ndjekur ‘live’ në shesh ndeshjen që po luhet në stadiumin Wembley të Londrës.

Atmosfera duket e zjarrtë dhe nuk mbeten pas tifozëve të ekipeve përkatëse që janë sonte në fushën e gjelbër. Ndërkohë që Italia ka një numër të madh tifozësh shqiptarë, Anglisë duket se i janë bashkuar dhe tifozët gjermanë, gjithmonë në luftë me ata italianë. Shihni pamjet e LSA.

Azzurrët kanë qenë tri herë në finale të Kampionateve Evropiane në të kaluarën (1968 – kampion; 2000 – nënkampion; 2012 – nënkampion) dhe kjo është finalja e katërt në të cilën marrin pjesë.

Tre Luanët bënë historinë në turneun e sivjetmë duke u kualifikuar për herë të parë në një finale të madhe të Kampionatit Evropian.