Gareth Bale vendimtar në suksesin 2-3 të Uellsit në fushën e Bjellorusisë. Sulmuesi i Realit të Madridit konfirmoi edhe një herë rëndësinë që ka për përfaqësuesen e tij, e cila siguroi suksesin e dytë në Grupin E.

32-vjeçari realizoi që në minutën e gjashtë me 11-metërsh golin që zhbllokoi takimin, por vendësit arritën të përmbysnin shifrat në 2-1 falë finalizimeve të Lisakovich dhe Sedko respektivisht në minutat 29’ dhe 31.

Gjithsesi, në fraksionin e dytë u rikthye në skenë Gareth Bale, i cili barazoi shifrat në 2-2 në minutën e 69-të, duke u treguar sërish i saktë nga pika e bardhë e penalltisë, ndërsa në minutën e tretë shtesë u dha goditjen përfundimtare bjellorusëve me golin e fitores, atë të rezultatit 2-3.