Dy asistë në fitoren e Interit, Asllani: Misioni im u kompletua!
Mesfushori shqiptar i Interit u shpall dhe “Lojtari i Ndeshjes” në sfidën kundër Parmës në Kupën e Italisë
Kristjan Asllani ishte protagonist në fitoren e Interit kundër Parmës (2-1) në Kupën e Italisë. Mesfushori shqiptar u shpall dhe “Lojtari i Ndeshjes”.
Në një intervistë për “Inter TV”, mesfushori i Kombëtares u shpreh mjaft i lumur për kualifikimin në fazën tjetër dhe se do të japë gjithnjë më të mirën.
“Misioni u kompletua. Jemi të lumtur që kaluam në fazën tjetër. E dinim sa e vështirë është ndeshja e parë e Kupës, njësoj si vitin e kaluar, kur unë luaja për skuadrën kundërshtare. Jemi mjaft të mirë për t’i kthyer gjërat.
Pjesa e parë u nënshtruam, por në të dytën ishim mjaft të mirë për të qarkulluar topin. Fatmirësisht, ne arritëm të insistonim dhe ti fitonim në fund.
Gjeta shumë pak hapësira në start, por kjo është normale sepse skuadrat luajnë shumë afër në fillim. Në pjesën e dytë, ata lanë shumë hapësira dhe unë kisha më shumë liri për të lëvizur.
Dy golat erdhën nga aksionet që nisa unë? Jam i lumtur për këtë gjë. i dhashë një dorë shumëve të skuadrës dhe do të përpiqem gjithmonë të jap më të mirën”, u shpreh Asllani.
Më shumë lajme
